Pazienteak mobilizatzea eguneroko zeregina da gure zentroetako jarduera asistentzialean, eta zeregin horrek arazo muskulueskeletikoak dakartza berekin. Laneko Segurtasun eta Osasunerako Institutu Nazionalaren arabera (INSST), sektore soziosanitarioari lotutako lagunen %47k bizkarreko mina izan zuten 2020an.

Lanean gure osasuna hobetzeko eta, bereziki, arazo muskulueskeletikoak murrizteko, Aita Menni Ospitaleak proiektu berritzaile bat hasi du, "Exoeskeletoak erabiltzea pazienteak mobilizatzeko" izenekoa, exoeskeletoetan espezialista den Healthy Suits enpresaren eta laguntza teknikoetako ekipoetan lan egiten duen Zenta enpresaren (Gendia SL) partaidetzarekin, bi exoeskeleto modelo erabiliz: “Muscle Suit Every” modeloa, pazienteak mobilizatzeko eta transferitzeko, eta “Muscle Suit Soft-Power” modeloa, eguneroko lanean jarrera zuzentzeko eta gerrialdeko muskuluen tentsioa murrizteko exoeskeletoa,

Proiektu berritzaileari Benito Menni unitatean eman diote hasiera, non unitateko laguntzaileak exoeskeletoen bi ereduak erabiltzen hasi diren eguneroko mobilizazio lanetarako, horien erabilera egunerokoan integratzeko eta dakartzaten onurak maximizatzeko, lanean arazo muskulueskeletikoak murrizteari eta gure osasuna hobetzeari dagokionez.